(注意: タイトルには「呪文」とか「壺」治療とか書いてあるが、これはテキストをデータ化した際の熟考を欠いた翻訳のせい。データに手を触れないために修正せずにそのままにしてある)
3356,"呪文","ウマジの壷治療０１","Chari","Murina(helping Chari prepare nyungu): Muche wangu, rero yuna tabu na mashaka yuyatu. Hata kaoyezwa kamare. Chari: Uuh. (after arabic starting bismilahi) Haini asenani, arumwengu namwamba pore. Ninamwamba pore a dzombo. Ninamwamba pore, ninamwamba hodi, nduguzanguni. Kumwamba hodi ni kumwambadze. Himino mino be dzikudza. Dzikudza na ningakudza be dzikudza kpwa kuihiwa. Na kuihiwa kpwa kpwangu be dzihiwa kpwa Umazi. Umazi ni mukongo. Umazi ni mukongo wa chitswa phamwenga na chizungu, masikiro kuvuma. Umazi ni mukongo wa chifua, chifua kumererera, moyo wa nyuma kumererera, mbavu kuvunzwa. Ndani kunguruma, ndani kpwaka moho, ndani kudunga miya. Umazi ni mukongo chunu kutoka, magulu kaidima, roho kpwahuka, roho kpwenda mairo. Kana phadzo kahiri, hata asagalapho tsipho. Matso ni dziza. Ni Umazi. Utu kudza vyakpwe hata umironi. Kudza dunga chigongoche, kukala chiphapho umironi hata kaidima hata kumiza. Umazi ndo tabiya ya kpwakpwe, ndo chilaga kuenenda mutu kamare.","nyungu",1991/10/4 0:00:00
3357,"呪文","ウマジの壷治療０２","Chari","C: Ndo kpwaka moho phamwenga na kudunga miya, be phamwenga na mbavu. Na mwiri wenye, be ro roho richimwahuka, hata nyo wasiwasi uchiloka, hata nyo mwiri nao unatetema. Basi atu achenda virimani, hunambwa kukala ni mwimwi a dzombo. A dzombo ni mwimwi arumwengu. Arumwengu tsi atu anjine, hata namuvoya ndugu zanguni, a kpwa vuri, a kpwa mwaka, a mulairo wa dzua, a mutserero wa dzuwa, achina bugubugu, achina kaziya ka nyenze. Namuvoya hata achina mwanaduga, mwana toro,mwana mayungi, mwana mukangaga chimbikaya munyetera ziya. Mwanamulungu marera, mulunguzi jumula na mwana musambala. Ela nikagomba be nagomba na uwe mwanamulungu, ndiwe mwenye ngome. Na wahi ngome yinavunzwa na we mwenye be hata ajeni udziarichira ngome. Hata we mwenye sambi udzima kupho kahiri. Ninakpwamba pore na pore ya kpwangu. Ninakpwamba pore kpwa hata nakupha nyungu. Nyungu yiyi uyiphokere mikono miiri. Nyungu yiyi yihende teri. Nyungu yiyi nyungu yichihenda teri, nikutsakula lukano lukongo lukongo.","nyungu,症状",1991/10/4 0:00:00
3358,"呪文","ウマジの壷治療０３","Chari","C: Vivi rero be dzamba chikala ni Umazi yunagbwirwa ni chiratu chifua, yunagbwirwa ni uwe mwanamulungu. Umazi dzamba mwanzo wa rero apate usingizi. Kakuna roho, wala chizungu, wala moyo wa nyuma, chifua. Kakuna chunu kutoka, mwiri kuvunzika vunzika. Mwiri kpwaka moho. Kakuna masikiro kupiga filimbi, masikiro kukandirika, matso dziza. Vivi chikala ni uwe mwanamulungu, tsindakpwambira na mambo manji. Mino ninahenza uzima be wa Umazi. Huchimona ni muzima, hata kala ni kupunga hundapunga. Lakini humone Umazi kana utu. Ptu.. Aganga taireni. People: Za mulungu. (After this, Chari smokes the laika ngata and the mudoe pingu - which she has already made at home - with frankincense, puts them on Umazi, who is seated in front of a pot, pours the medicinal liquid(vuo) over Umazi and starts makokoteri.) C: Haini haini arumwengu, arumwengu nagomba. Haini, haini ninamuvoya a kpwa vuri, a kpwa mwaka, a mulairo wa dzua, a mutserero wa dzua Achina bugubugu, achina kaziya kanyenze. Haini hata achina ziya ra mangera namwamba haini, na achina uvumvuni namwamba haini. Achina chakichaki haini. Ninamwamba haini hata achina mwanaduga, mwanatoro, mwana mayungi, mwana mukangaga chimbikaya, munyetera ziya.","nyungu,症状",1991/10/4 0:00:00
3359,"呪文","ウマジの壷治療０４","Chari","C: Mwanamulungu marera, mulunguzi jumula na mwana musambala. Ela nikagomba be nagomba na uwe mwanamulungu, ndiwe mwenye ngome. Singagombere be nikagomba ni Umazi. Umazi wapata tabu pindi. Umazi ni mukongo, Umazi yuna chitswa, Umazi yuna peho, Umazi yuna chizungu. Moyo wa nyuma, chifua kumererea, ndo kukohola Umazi. Chigongo kuchingama umironi. Sino wahi hata hunamba ni mihaso. Ndo chigongo kichingama umironi. Umazi be ni mukongo jeri. Kukohola vyenye kamare kamare hata ni kaoya. Karya, kalala, kasagala. Ni mutu wa kutanga na njira kutanga, kutanga na dunia, kutanga na ulimwengu. Hiyuno. Ndo chitswa na mongomongo, chunu kutoka, magulu kuvunzika vunzika, ndani kpwaka moho, ndani kudunga miya. Ndani roho kpwahuka, roho wasiwasi, kutetemwa ni mwiri. Kaidima chila phatu. Mutu kuzuka chitovuni, kugbwira moyo. Adze umironi, mbavu zinavunzirwa ndani. Ela sino hukamba ela kunjine ela si muhaso asena.","nyungu,症状",1991/10/4 0:00:00
3360,"呪文","ウマジの壷治療０５","Chari","C: Ela huchenda virimani hukalembwa, hukambwa si atu anjine ni ao arumwengu. Arumwengu si atu anjine ni mwimwi a dzombo. Hata dzuzi achidza kokoterwa ni ameye. Ala mwenye yunamba hangu nikokoterwe hata vivi ninasikira kayauni. Ela nagomba na uwe mwanamulungu, ndiwe mwenye ngome. Hiwe mwana mulungu, ukatuwirizwa ni mwana p'ep'o. Mwana p'ep'o mbarawa, sanzuwa, bulushi, mukpwaphi. Mukpwaphi, chitsimbakazi cha mbinguni, chitsimbakazi cha ziyani, p'ep'o koma wa kuzimu, p'ep'o k'oma wa ziyani, mubarawa, mudahalo, mukorongo, mukoromea, dungumale, zimu, chizuka, sunduzi, mudoe. Mudoe ni uwe, murima ngao. Mutumwa ni uwe mungindo. Kunambwa kuna mudoe be wa kpwao ukooni hiyuno. Rero ninamupha pingu. Pingu tsi ya mutu munjine, hiwe mudoe mwenye, be nakupha pingu ya kpwako. Ninalavya pingu, ngata ni ya laika. Ela mino dzana nambwa kuna mudoe, ambaye kpwamba ni wao wa fuko. Na muphokere mikono miiri. Hiwe dungumale, zimu chizuka, sunduzi, mudoe, ni uwe murima ngao. Mutumwa ni uwe mungindo, Himuno muna hiwe dena na nyari, mbilichimo, kare na gasha. Rero ni rero, mandano,mwana pungahewa.","nyungu,症状,fuko",1991/10/4 0:00:00
3361,"呪文","ウマジの壷治療０６","Chari","C: Pungahewa na uwe mudigo na hiwe ichiliku. Mosini sikpwamba kamumo mumu, lakini mba muduruma mwenye karicha cha kuzidi. Ninamwamba pore, hata uwe jine bara wa chimasai, uwe gologoshi ndiwe ngai. Ngai ndiwe mukamba, mukavirondo, mumawiya, munandi, mumanyenya. Ninamwamba poreni. Haini haini haini. Hukadza na kumwamba hai wahi. Ni Umazi hiyuno ninamwikira nyungu. Be nyungu ni ya mulungu. Vivi nyungu ni teri. Muganga kazumwa, muganga wambwa taire. Mino tsi muganga. Muganga ni mulungu. Kpwangu ni kpwika mukono wa neema, kuuya lukombe la kanda, kpwenda sagala kuhurira. Ahehao ni airi. Achidza wa hahu, akakanya. Rero dzikala mwamuzi. Nakanya kondo. Ninamwamba pore, ninamwamba pore, na musikire hata digozee, phamwenga na mbilichimo. Ninamwamba haini, hata uwe kadongo, ninamwamba hai. Haini haini, hata achina uvumvuni namwamba poreni. Kuna uwe laika, laika mwendo, laika mwenda na upepo, laika chigbwengo, laika mukangaga. Kuna laika nuhusi, nuhusi ni uwe pagao.","nyungu,症状,fuko,laika",1991/10/4 0:00:00
3362,"呪文","ウマジの壷治療０７","Chari","
C: Kuna laika mwanyoka, kuna laika mwafira. Kuna laika zuzu, kuna laika
chiwete. Uwe laika chifofo ni uwe laika. Laika bingili. Ninamwamba
haini. Ninamwamba hai sana na mosini be kisha ni ye laika muzuka
vivyo. Hiwe tunusi mwanga wangaye usiku na mutsana. Hiwe tunusi wa
baharini. Namwamba poreni.
Vivi rero chikala kpwamba ni mwimwi namufunga ngata ya laika.
Yuyu na ngata yiyi be dzamba yuuse ukongo kakuna chitswa, wala peho,
chizungu, moyo wa nyuma, roho kpwenda mairo, muna kajama kakumwamba roho
kukala uwe undafa rero. Kakuna.
Kala ni ya mudoe, hiyo dzilavya. Vivi rero be ninahenza uzima, nyungu
yihende teri. Na nyungu yitsake lukano lukongo lukongo. Ndani yikale
yindaphola. Kukohola kuphole. Kakuna kahiri ukongo, moyo wa nyuma,
chitswa, chifua. Mwinyini kakuna kahiri. Ninamwamba poreni. Achoga
riratu mavuo, achidzifukiza riratu vuo, hata achinwa muhaso, muganga
wambwa taire.","nyungu,laika,mudoe",1991/10/4 0:00:00
3363,"呪文","ウマジの壷治療０８","Chari","C:Vivi huchimanya ni mwimwi, be hundatengeza gosi. Lakini vino huchere kpwamba ni T.B. Huende sipitali, huchidza mona kahendere baha.(Umazi start golomokpwa, yelling in a voice like a cow) Haya pole pole pole pole. Ni nini? Au ni nani? Haya pole basi. Kuja na kusema, haya pole basi mwinyi. Pole pole pole. Tena useme ni nani? Tunataka yule mwenye kukohowa tumujue ni nani. Haya pole ikiwa ni wewe nyari, nyari ng'ombe, nyari ng'ombe sisi tunajua lako ni pande, lakini leo mimi sikupata na wewe, sisi hatujajua ni wewe. Ikiwa ni wewe kweli, pole mwinyi wangu. Pole sana, tena mwinyi pole mwinyi. Haya pole pole pole, ikiwa ni pande lako nitakupatia, kama ni nguo utapata. Lakini hivi sasa mutu huambiwa akasikia. Mwinyi.","nyungu,laika,golomokpwa,nyari ng'ombe",1991/10/4 0:00:00
3364,"呪文","ウマジの壷治療０９","Chari","C:(to me) Yuno be ni nyari ng'ombe dede. Unasikira mba. Haya mwinyi chikala ni uwe nyari ng'ombe nakurehera pandero kare hai, mwinyi. Vivi be nikumurichira kakala ni mapande genu mundapata. Elakini mwinyi sino hudzikala hunahenza humanye ni nyani, na vino udzilairira ni uwe nyari ng'ombe. Undapata pande ra kpwako. Kala ni nguo be paka huone yunabaha yuyu. Na kakuna kumukohoza kahiri. Kalimbo! hudzigamala. P: Yino mihaso ni ya kunwa? C: Ni ya kunwa mayo.","nyungu,golomokpwa,nyari ng'ombe",1991/10/4 0:00:00