Mudurumaの「鍋」設置における唱えごと

(DB 4614-4631)

4614,"呪文","メジュマのムドゥルマの壺０１","Chari","(kabila kutsimba mizi ya muphingo) C: Ninagomba na uwe muhi. Uwe muhi be u muhi. U muphingo. Ala u muhi be wa shetani. Na tsi shetani munjine, be ni wa muduruma. Na mino tsikpwiyire uwe. Tsikpwiyire. Ni mimi kugbwirwa ni ukongo, hata kulaa uganga. Na nyo uganga be kuwonyeswa ni Banju. Kukala mukongo kahiri mimi kpwa hata nidzilaviwa mulungu bahi. Kuyirwa ni ukongo. Kumba ni hiwe muduruma, hiwe kasidi.... Mimi tsihewerwe muhi uu ni mutu munjine. Hata nauhewa ni Fupi be wa Ngome. Nami nalagula muduruma be kisha nalagula atu anji sana. Vivi ninatsimba uwe muhi. Muhi ni uwe muphingo. Ninaulagurire Mejumaa. Vivi nidzamba nichenda mumitira nyungu Mejumaa. Maradhi garatu arigo nago mwana yuyatu, nidzamba aphole. Kakuna kusema kufa kahiri wala kakuna chitswa kahiri na be ninahenza chikala ni Mejumaa una muduruma kpweli, hata nitsiyugike nipate kare mizi tu phapha.","nyungu,muhi,muduruma,muphingo",1991/12/17 0:00:00 4615,"呪文","メジュマのムドゥルマの壺０２","Chari","(makokoteri for nyungu) C: Uu basi. Ninagomba. Tsingari gombere saa zizi. Be ninagomba ugayi. Ugayi be ni wa Mejumaa hiyuno, be ni mutu ambaye una tabu na mashaka. Be hata nyo mulungu nao hata kumba nyo p'ep'o a phapho. Hata nyo mulungu nao kahumanya vivi kpwani. Ninagomba na nyungu be ninagomba na uwe mwanamulungu. Ninamuvoya a kpwa vuri, a kpwa mwaka, mulairo wa dzuwa, mutserero wa dzuwa, achina bugubugu..(omit the same sequence)..mwana musambala. Ala nikagomba be nagomba na hiwe mwanamulungu ndiwe mwenye ngome. Ala hunamaka chitai cha mwana ni mukongo, na muhaso ujezwao be hata tsio kamare. Kpwanza hudzanza kumashwa ni matso ga mwanadamu ambaye kpwamba uchere danga ra mwana, ala mwana kaona kamare kamare. Hata uchiloka ni ahende kuuza ni nyani.","nyungu,muduruma,arumwengu,症状",1991/12/17 0:00:00 4616,"呪文","メジュマのムドゥルマの壺０３","Chari","C: Kpwakosekani? Kpwanza ni kpwadze? Basi mino naika nyungu. Nyungu tsi ya mutu munjine. Mwana yuyatu ukala mukongo tsiku nyinji. Be kpwa mulumewe. Nidzikpwenda mwikira nyungu ya uwe kasidi. Nafikiri hata kumupunga nidzimupunga, nidzimupha mwana wa ndonga. Ala yuyatu mwana wa ndonga mwenye nichimulavya sawa, ala nimulavyapho sawa, go gasiya pho mudzini gago. Nasiya kukala kukagulwe mavumba. Adze atiywe ye mwana kpwa hata go mavumba gashinda kagagurirwe. Kumba mavumba gachishinda kutoka phapho, hata ye mwana wa ndonga ni mufu vivyo kamare kamare. Hata mpaka ni rero, hata mwaka uu kaukoseka ni wa nne. Mwana wa ndonga kana mafuha, mwana wa ndonga kana mavumba. Vino be naika nyungu. Naika nyungu be ya ugayi.","nyungu,muduruma,mwana wa ndonga",1991/12/17 0:00:00 4617,"呪文","メジュマのムドゥルマの壺０４","Chari","C: Na vivi naika nyungu ya uwe kasidi, uwe muduruma, uwe kalumengala wambaye ga ndani unagamanya ga konze unagamanya. Chikala kpwamba ni uwe kpweli, uwe muduruma. Yuyatu mutu yuyatu nahenza vivi pharatu aripho aunuke. Matso gaone alae konze na magulu ga kpwakpwe. Mbona ndugu zanguni, hata unakala ugayi uno? Sambi udzandika unateseka ye mukongo, hata nyo ario ni azima nao adzandika anateseka. Ni kpwadze? Be hata ye mutu wakukala apate nguvu za kpwenda tsakula, kutsakula, kutsakula cha kupha aganga. Amba unahewa nafasi ni mukongo. Akakala mukongo unarya muswa tototo, mukongo yunauzika(fr.(ス ku-uzika st. of ku-uza= ku-guza)) chividzo. Mukongo yunalaa konze mwenye, mbona utsakula kufunga hata nyo azima? Vino rero be ninaika nyungu. Na nyungu tsi ya mutu munjine. Ni ya uwe kasidi, uwe muduruma.","nyungu,muduruma,kasidi",1991/12/17 0:00:00 4618,"呪文","メジュマのムドゥルマの壺０５","Chari","C: Uwe walaa kpwenu Sakake, uchilaa kpwenu Nyongoro, uchilaa kpwenu Gopho, uchilaa kpwenu Lukakani. Tsimanya u wa Lukakani, u wa Nyongoro, u wa lwaphi. U wa Chidzaya, tsikumanya. Ala mutu uwe, be wapiga kazi kuko uchidza vyako hata pho katikati. Kupiga jeri miatsa na utudwi chividzo, hata kudza onana na ano jumaa. Chiphalo chicho muchichivina, ala uchimutsunuka Mejumaa. Ala vino Mejumaa udzandika kutanga na njira. Utanga na njira, kutanga na dunia, kutanga na ulimwengu. Akalapho tsipho. Kalala, karya, kasagala. Jamani. Mbona hata ni utu wa kpwangalaza? Heka hata ni shenene yino? Vivi be naika nyungu, na nyungu yiyi, be nahenza yuse ukongo. Kpwanza uwe unavidima hivira vya kukala mutu umufitise. Na kumugombesa ga k'oma na ga mulungu.","nyungu,muduruma,nyika,tsunuka",1991/12/17 0:00:00 4619,"呪文","メジュマのムドゥルマの壺０６","Chari","C: Na chitswa sana. Kumunonesa mwiri. Kpwanza udzanza kukala ni waanze kutsambusa(=kuzembusa) uratu mwiri kpwanza. Na garatu matso gaone. Chitswa chuke. Mwinyi, hudzegbwa mwenu maguluni. Chikala ni uwe kasidi. (makokoteri ends) C: ..P'ep'o hata kala u phapho. Lakini chikala phachingama chitu. Woman: Usagale amba mayo anahenza ugombe gakpwe amba waambirwe. Man: Chikala katikati kusagala mino nauka sambi yenye naende Mombasa nimuriche phapha na ukongowe. Mejumaa: Unambadze ye mulumeo? W: Unambwa, unenda Mombasa urichwe. Mekodza naye ende kpwao. Nine wa (Ameye) Chaka kedza maana unakumanya kare vyo urivyo una kani. Maana we u mutu wa kani. Sambi edze ahendedze? Sambi ulole undakpwenderwa mairo ni nyani? Na wa mairo ni yiye na unauka. C: Mino nidzikudza na nyungu yangu na yiyi kayenzi mutu wa kulala kpwenda.","nyungu,muduruma,異様な会話",1991/12/17 0:00:00 4620,"呪文","メジュマのムドゥルマの壺０７","Chari","Mej: Udzijitani? Akajitani ye wifi? Woman: Akajita mboga uhenderwe wari wurye na mayo. Hebu unambadze? Mej: Mimi nikahewa wari dza phapha na ko konzee. W: Dza phapha na ko konze? W2: Chikala ukaona mayo dza vivi, lakini ukaikirwa wari, na baba hiyu, unarya tototo wari na mayo. Mej: Bemba mino che.. nikahewa wari kare dulu dza phapha na kuratu konze. W2: Bemba nyo unajitwa ye kawonere yuyatu mayo. Sambi undahendwa tsona wurye na mayo naye akone unatata. Mej: Nakuuliza wewe ni nani? H: Ndimi Kalimbo. Mej: Ooh kumba ni uwe nduguyangu.","nyungu,muduruma,異様な会話",1991/12/17 0:00:00 4621,"呪文","メジュマのムドゥルマの壺０８","Chari","H: Udzinikumbikira? Mej: Ee pore mimi nalumwa, mwenehu. H: Poreni poreni. Undarichirwa. Mej: Naumwa na kichwa tu. Kichwa kimeingia funza(maggot) siwezi. Kichwa changu kimeingia funza, ndugu yangu. Hata nilikuwa nataka huyu mama na baba niwaambie funza wananiuwa. Haki wamekuja watanitoa funza hawa. Wakiwa hawataki na mimi sikai hapa. Nitakwenda nao wakanitoe funza huko kwao. Nitabebwa na mama akichoka nitabebwa na baba mpaka nifike. C: Ni kpweli. Sino kahuenzi kubeba mutu. Haja yehu hunahenza kpwenenda nawe. Kahurema kpwenda nawe kpwehu. Lakini wenende na magulu. Mej: Nitoe funza basi ndipo nitembee nifike nikiwa nao funza mimi nitafika vipi? C: Be ko kpwenye funza ndiko kpwenendako. Samba funza a kuno chitswani?","nyungu,muduruma,異様な会話",1991/12/17 0:00:00 4622,"呪文","メジュマのムドゥルマの壺０９","Chari","Mej: Wakianza hivi, hata kutembea siwezi pia. Kichwa chote chatowa miiba, na roho kupeperuka. C: Haya mino be nagomba ga chiduruma. Kaphana adzomba kahiri phapha. Ha tsumbula. Ni nyono yudze mumo. Ha ni basi. Hemu nikukokotere. Utsilale. (makokoteri) Ptu. Haya basi ninagomba tsingari gombere saa zizi. Haini haini arimwengu. Tsingari gombere saa zizi. Nagomba na uwe mwanamulungu. Hiwe mwanamulungu ndiwe mwenye ngome. Hata kumba kuna ajeni aratu be ni anao. Na sino hunaona tu. Ngome yinavunzwa. Hudzangalala. Kahuna vya kuhenda. Ni kpwadze kpwakosekani? Ninamwamba pore. Namuvoya a kpwa vuri, a kpwa mwaka, mulairo wa dzuwa, mutserero wa dzuwa, achina bugubugu, achina kaziya ka nyenze, namwamba hai.","nyungu,muduruma,arumwengu",1991/12/17 0:00:00 4623,"呪文","メジュマのムドゥルマの壺１０","Chari","C: Namwamba haini hata mwana duga, mwana toro, mwana mayumbe, mwana mukangaga, chimbikaya munyetera ziya. Mwanamulungu marera, mwanamulungu, mulunguzi jumula na mwana musambala. Nikagomba be ninagomba kpwa ukongo. haini a jabi jabi ngura na ngura Dzombo kpwa mayo mupigao kondo sehemu ya Mugamani, mukauya mudzini mukalola ngome yinavunzwa, mukambwa ni mwimwi haini. Hai we mwanamulungu, mwana p'ep'o, mubarawa, sanzuwa, bulushi, mukpwaphi, chitsimbakazi cha mbinguni, chitsimbakazi cha ziyani. P'ep'o k'oma wa kuzimu, p'ep'o k'oma wa ziyani, phamwenga na uwe mugala, muboni, mudahalo, mukorongo, mukoromea, dungumale, zimu, chizuka, sunduzi, mudoe. Mudoe ni uwe murima ngao. Mutumwa. Mutumwa ni uwe mungindo. Himuno muno hiwe dena na nyari, chiyuga aganga, luki, mbilichimo, karinagasha, rero ni rero, uwe mandano, uwe mwanapungahewa.","nyungu,muduruma,arumwengu",1991/12/17 0:00:00 4624,"呪文","メジュマのムドゥルマの壺１１","Chari","C: Kuna hiwe mudigo, phamwenga na hiwe ichiliku, namwamba pore. Hiwe gologoshi ndiwe ngai. Ngai ndiwe mukamba, mukavirondo, mumawiya, munandi, mumanyema. Ninamwamba pore. Hiwe jine bara ra chimasai, namwamba poreni. Ninamwamba pore hata uwe laika, laika mwendo, laika mwenda na upepo, laika chibwengo, laika mukanga, kuna laika nuhusi. Nuhusi ni uwe pagao, pagao ni uwe muzuka. Kuna laika mwanyoka, kuna laika mwafira, kuna laika zuzu, kuna laika dondo, kuna laika muyuyuhiko. Kuna laika majaro. Mwinyi hudzegbwa mwenu maguluni. kakuna kondo ndugu zanguni. Mbona hunamaka chitai. Mwanadamu ni kulumwa, be ni vivyo. Ha lolani kpwanza. Nyo mwiri mudziuhenda ukala ubomu dzakpwamba ni ganzi dzakpwamba ni muyu. Ni kpwadze?","nyungu,muduruma,arumwengu",1991/12/17 0:00:00 4625,"呪文","メジュマのムドゥルマの壺１２","Chari","C: Ndo sambi matso kagaona, chitswa chinaluma kavidimikika. Mudzimolaga hata matso, magulu kagayaha. kaidima chila chitu. Ni kpwadze? Kaidima chila chitu. Kpwakosekani? Be hata munahenza chitu kamusema mukafanyirwa ndugu zanguni. Ni nyama nduguzangu, ala be ni maneno manjine? Amba yuno p'ep'o ni mwanadamu, achiambirwa ni kusikira. Nyama ni mulatso achiambirwa ni kusikira. Hata ye mwanadamu chikala mundamuhenda wa vino, ni mateso gani gano? Na yuno ni mudzombo wenu. Be hata kumba chikala kunahenzwa hata kumba ni uganga, ye mutu ni kpwambwa unateseka. Be ni vivyo? Haya lolani. Sambi hata ye mutsumi wa pesa naye udzangalala. Kaidima kuuka unamanya chamba nauka, nyuma ninatuwiwa. Amba mupheni mwangaza. Mwangaza nini? Ni ye mwenye alae konze, ende akatsakule hata kala ni vidodo, ende konze akaohe dzuwa.","nyungu,muduruma,arumwengu,症状,nyama,説得,血,mulatso",1991/12/17 0:00:00 4626,"呪文","メジュマのムドゥルマの壺１３","Chari","C: Ala na maguluge. Chikala gakala gano ga kuhenda laviwa konze ni atu, haya zo pesa zindatsumwadze? Hata kumba munahenza kutengezerwa, mundatengezerwadze? Mba p'ep'o achambirwa ni kusikira. Ala mwinyi vino chikala ni mwimwi kpweli. Mino ninamwamba pore ndugu zanguni, be kisha mosini. Hata pharipho mwimwi adzomba mupemba, rohani, mwarabu, mwalimu kuruani, we zikiri, zikiri maiti, zikiri maulana, jine bahari, mosini nduguzanguni. Musikire mukanyane ni mwanadamu yuyu. Mbona ni muja(mutu) wa mungu na munamuhenda vino? Munamupha mateso gotsoidimikika. Kpwakosekani wala mwakoswani? Mwavoyani muchilafiwa? Amba mwinyini vivi, ala nikadza na kumuvoya amani nduguzanguni. (makokoteri targetting nyama wa kasidi) Ninalavya nyungu. Nyungu ni yaani? Nyungu ni ya kasidi. Kasidi ni muduruma, uwe wambaye ga ndani unagamanya ga konze unagamanya.","nyungu,muduruma,症状,nyama,説得,イスラム",1991/12/17 0:00:00 4627,"呪文","メジュマのムドゥルマの壺１４","Chari","C: Kugbwirwa chitswa wala kugbwirwa sikiro na kugbwirwa gulu. Ala mino be nakupha nyungu. Nyungu yiyi ni ya chilagane. Nayilaga hangu madzuzi higo. Vino wahi, nyungu hiyo, mihaso hiyo, vuo hiro. Nami be ninahenda uka vivi rero. Nenda kuratu mudzini, nyungu yiyi ninayika. Na ninahenza uzima. Tsenzi kusikira chitswa kahiri, wala mabulu nambwe ganaenenda chitswani. Tsenzi nigasikire. Chitswa chiriche rero, mabulu gariche rero, matso gaone. Tsi kunikotorera na matso kagaona. Mwinyi hata kumba ni mwimwi p'ep'o munahenza kazi, mundahewa. Nalalama gosi ala yuno alae konze yuno. Kpwanza nahenza hata achenda kuko nidze nimone unalaa na maguluge yuyu. Na matso ganaona. Mbona mudzima nyo mwiri dzakpwamba ni mutu wa lwaphi.","nyungu,muduruma,症状",1991/12/17 0:00:00 4628,"呪文","メジュマのムドゥルマの壺１５","Chari","C: Ni chitu chani kpwanza, chibomu chiriwacho hata mwiri unakala vino. Nawe muduruma unavidima vivyo vya kunonesa mutu dzakpwamba ni muyu. Amba mwinyi. Kpwanza kumba kuna rinjine ambaro kpwamba munahenza nirifanye. Vivi tsifanya utu. Na yiyi nyungu udzifukize na hata yiyi nyungu yisisire, yuno alae konze na maguluge. Nami nihende nguvu. Mabulu gariche rero gago. Na chitswa chiriche. Mwinyi haya pore musena wangu. Mwinyi mwinyi mwinyi nakpwamba pore. Usambe nakuhakana. Tsi kukuhakana. Ni mateso gateswago mwanadamu gachira. Ha lola adzima anateseka hata nyo azima. Chidzakala atu osini andakulola uwe. Undatsumirwa ni nyani we baye? Na nahenza wari uriwe vivi. (makokoteri ends) Mej: Mimi nikawurya unji wenye. C: (jokingly)Ninahenza wari uriwe kura kpwamba nidzihewa wari dza phapha na konze gara mbai.","nyungu,muduruma,症状",1991/12/17 0:00:00 4629,"呪文","メジュマのムドゥルマの壺１６","Chari","Mej: Nidzihewa wari unji phapha chiramuko. Be dza phapha na ko konze. Be hukawurya, atu ahahu asena osi akashindwa, hata nikausindikiza mimi hichi yangu. C: Unaumala uwe hicheyo? Mej: Nikaumala hichi yangu kisha kuima ima nikahewa mushombo baye wa manga na tendegbwa. Be ndulu dza phapah na kuko kahiri. Be nikarya hata vivi yo ndani, yo ndani yosi tsidima hata wamba yina chironda. Na ni kumvuna tu. Heka itsi ya duruma yinariwa yino asenani. Phana muchetu phapha be achanza kujita chiramuko kauka jeri. C: Sambi vira ni udzanza kare unajita kpwenda mpaka kutswe viratu. Mej: Unajita achilavya tu hata tsimanya ye mwenye unarya vira kahi dze? C: Kagamanyikana, be chikala unarya karya rivyo unarya tu we. Mej: Aa be chidzako unashononesa roho abaye.","nyungu,muduruma,異様な発言,",1991/12/17 0:00:00 4630,"呪文","メジュマのムドゥルマの壺１７","Chari"," C: Unakushononesa roho aa be tsi mui yiye wa kukujitira na kurya. (final short makokoteri) Ala nihenzao ni uzima. Mino vivi nahenza magulu gayahe gago. Magulu nagaenende garatu. Kpwani nina mabomu genye nihenzago, nidze nigafanye mimi. Na tsifanya chitu kahiri mpaka none magulu ganayaha garatu. Na matso ganaona gano. Magulu nitsigasikire kahiri gago. Mej: Sambi vichiricha vivyo tu. Ni muzima. C: Sambi naviriche. Nichidza ona nidzimala tsiku tahu nzima na mabulu gachere ko, na magulu kagalaa konze, ninadza niwale yiyi nyungu yangu yenye na mavuo gangu na mihaso yangu, nidziwike, nuuke nayo. Nende kpwehu na nitsuye kpweli be. (makokoteri ends) Mej: Haya baye, be tariza wari be undajitwa. ","nyungu,muduruma,異様な発言",1991/12/17 0:00:00 4631,"呪文","メジュマのムドゥルマの壺１８","Chari","C: Kuna vidzunga? Murina: Tiya pho mohoni. W: Nitiye mohoni vyo vidzunga? C: Ee. Tsina makodza ga kutara hata ni ufinikire tu. Ninamba samba we u mutu wa kumanya kare majiti ga nyungu? W: Ee namanya majiti. Kpwanza yiye ndiye wa kujita yiye. W2: Ye mayo yenu kuratu, ala siswi a kuyaya. Mej: Ninamba munaukaa? W: Aa mino tsuka. Ni phapha. Lakini sheria yenye mwiki wa nyungu be yunafaa akale ni yiye. Maana hata mimi nikaphenya mashaka najitire yiye, na nakala tsigamanya, ndo achinika sana hata ao achinitiya ukongo ao. C: Wajitira yiye mayo? W: Ee zosi tse. Nakala tsigamanya na kanambirire ye muganga na kuwala mwanzo mpaka mwisho. C: Na kuhewerwe chochosi? W: Nami nalaa phapho na kubinikizwa mwezi uzima ni ndani ya nyumba.","nyungu,muduruma,料理法",1991/12/17 0:00:00