2798,"呪文","ニャリの壷治療０１","Chari Malau","Basi haini asena, haini nikadza nikamba hai, hunaika nyungu. Ndiwani we mayo? (Ndiye Nibunda Mariamu.) Basi tsingerigombere saa zizi. Nagomba kpwa Mariamu ni mukongo. Na ukongo wa kpwakpwe wahi kaanzire dzana, na kanzire dzuzi. Adzipho anzana na ukongo ukala mukongo sana tsiku nyinji. Hata uganga pia uhewa. Ukpwenderera ala nyo uganga wenye, be kaukarire uganga. Vino sambi wahi. Sino hunaika nyungu ya ukongo ambao kpwamba una matezo. Ukongo wa matezo(ukongo wa kpwangalaza) ni wa kpwambadze. Mukono wenye. Mukono be mukono uo kaugbwira chochosi kamare kamare tsetsetse. Hata ni mukono tu. Ala enye anamba achenda virimani kunambwa kuna nyari. Na nyari be anambwa ni anji. Kuna nyari chitiyo, kuna nyari chiwete, kuna nyari junjula, kuna nyari mwalukano, kuna nyari mwafira, kuna nyari mwanyoka.","nyungu,nyari,mukono,mburuga",1991/9/5 0:00:00
2799,"呪文","ニャリの壷治療０２","Chari Malau","Basi ninamwamba haini ndugu zanguni. Hai ya kpwangu. Vivi rero naika nyungu. Nyungu ni yaani. Ni ya Mariamu. Nimwikirapho nyungu hiyuno mwanamuchengbwa vivi kpwambwa na chiserema cha pindi. Maana hiwe nyari ulaako usikako(where you come from and where you end up) be ni utsai wenye. Vino rero mino namwikira nyungu. Nyungu tsi ya mutu munjine. Nyungu ni ya uwe nyari maumba, uwe nyari durazi. Kuna nyari mwalukano. Mosini ninamwikira nyungu yenu, nyungu yiyi. Be yikatsake lukano lukongo lukongo. Vivi mukono uratu nidzamba vivi, be ukale undagbwira. Kakuna mukono kutsanga, wala mukono kudunga miya, au kpwaka moho. Mukono kuphola. Ninahenza chikala ni uwe nyari mwafira, chikala ni uwe nyari mwalukano, hiwe nyari chiwete, hiwe nyari pindamongo, uwe nyari mwenye chipinde.","nyungu,nyari,chiserema,utsai",1991/9/5 0:00:00
2800,"呪文","ニャリの壷治療０３","Chari Malau","Vivi rero nidzikala nahenza nichimumitira nyungu yiyi, yuyu akale vivi rero mwanzo wa rero hata machero, mukono ukale unagbwira. Huchimona sino wahi, be hundakudza hata kumudzira uganga wa kpwakpwe. Chikala ni mwimwi wahi murio kpwamba mwahewa uganga na sambi uganga kaphana. Sambi sere mudzuya munamugbwira yiyatu mikono. Chikala ni mwimwi hunahenza humanye dalili. Dalili ni utuwani? Ni kumona ni muzima kamare kamare. Sambi chidzako hukadza mwikira ziratu nyungu za uganga. Na hiwe mwanamulungu nawe, utsambe mbona yuno ni muganga na unalamukirwa kare na kpwikirwa nyungu tu. Za kahi ni madude gani? Aa aa. Ninahenza nipige yuyatu musiru auke. Chikala ni uwe kpweli unahenza uhenderwe kaziyo ya uganga. Mino nidakudza nimwikire nyungu za uganga. Lakini vino rero nasukuma yuyatu mukali. Ninamwamba mwinyi.","nyungu,nyari,mukono,証拠,mwanamulungu,承認,手順",1991/9/5 0:00:00
2801,"呪文","ニャリの壷治療０４","Chari Malau","Nagomba. Nagomba kpwadze? Udzambwa ndiye Mariamu? Ninagomba kpwa Mariamu. Hiyuno ni mukongo. Ni mukongo ala ukongo wa kpwakpwe. Sino hudzangalazwa. Hudzangalazwa nini? Mukono kaugbwira. Mukono uphola. Mukono unatsanga. Mukono unadunga miya. Mukono unaakaka. Mukono unaaka moho. Mukono unahambala. Be phamwenga na mbavuye, phamwenga na ndani kunguruma. Ndo yuna chitswa, yuna chizungu, yuna peho. Chifuwa kumemerera moyo wa nyuma. Usingizi kutsamiswa kamare kamare. Ni kalala tsetsetse. Rero mino nidzikudza ika nyungu. Tsi ya mutu munjine. Ni ya uwe maumba. Maumba ni uwe nyari, phamwenga na uwe pindamongo. Pindamongo ni uwe chipinde. Pindamongo nani? Na chiwete, chiwete chitiyo, nyari mwalukano. Mosini mu nyari mwimwi. Alakini vino naika nyungu, ndugu zanguni.","nyungu,nyari,mukono",1991/9/5 0:00:00
2802,"呪文","ニャリの壷治療０５","Chari Malau","Nyungu yiyi be nahenza nyungu ni teri. Kakala ni kuku wa kundu, ni yuyu. Ni karamu yenu yiyi. Kala ni mavumba genu, ni gaga. Nahenza mariamu achilaaphapho achidzifukiza nyungu yiyi, hata achimala. Ni akale muzima. Kakuna kondo. M: kalimbo, ha nipa gara mapande. H: Nidzimupha mayo. C: Udzinipha mimi na tsimanya nidzigaikaphi. M: Udzigayaza kare? C: Kpwani gagana chiyaya. M: Gagana uzi? C: Vivi be nahenza uzima, nahenza uzima. Haya kukuo ni yuyu. Gano uchijita yo mihaso undamutiyira. Hata tsimanya nidzikala nidzifisa nyingaphi. Nidzikala nidzifisa tahu? ","nyungu,nyari,karamu,mavumba",1991/9/5 0:00:00
2803,"呪文","ニャリの壷治療０６","Chari Malau","(Chari pours the water of chiza and make njerenjere) Amani amani amani, bisimilahi rahamani rahimu C: Lola kuno, lola cho chiza kuku Bisimilahi rahemani rahimu yaubidhilahi washetwani arahimu aiyaka na budhu iyaka na sitahimu miliki ya midhini swalti na muhammadi na midhini muswalihimu. Uuh haini, haini arimwengu arimwengu. Tsingari gombere saa zizi. Basi ninagomba, ninagomba, tsingari gombere. Ni Mariamu.. Ni vivyo mba? Hiyuno ni mukongo. Na ukongo tsikpwamba wanza dzana. Ukongo wanza pindi. Adziphoanza pindi wahi. Atu alagula, hata ugangani pia uphenyezwa. Kulaviwa nze pia ulaviwa. Ala hata uratu uganga wenye kpwanza pia kawendere chimaana. Kawendere chividzo.","chiza,nyari,uganga,kulavya nze",1991/9/5 0:00:00
2804,"呪文","ニャリの壷治療０７","Chari Malau","Vino be sino hudzimaka na unjine wenye. Unjine wenye be ni wa mukono. Mukono unafuwa. Mukono unaphola kamare kamare. Na kahumanya chiphozacho mukono ni chitu chani? Hudziphendula nyoka a tambo. hudziphendula tambazi. Sino hudziphendula na kavyokola vivyo. Ndo mukono ni rero. Ala enye achenda virimani wahi, hukambwa, kuna shetani. Shetani ni arimwengu. Arimwengu hukamba ni nyo nyama vivyo. Basi namuvoya a kpwa vuri, a kpwa mwaka, mulairo wa dzuwa, mutserero wa dzuwa, achina bugubugu, achina kaziya ka nyenze, ninamuvoya hata achina mwanaduga, mwanatoro, mwanamayunge, mwanamukangaga, chimbikaya munyetera ziya. Mwanamulungu marera, mwanamulungu mulunguzi jumula na mwana musambala. Ninamuvoya a jabijabi.","chiza,nyari,mukono,tambazi,nyoka,tambo,phendula",1991/9/5 0:00:00
2805,"呪文","ニャリの壷治療０８","Chari Malau","Ngura na ngura Dzombo kpwa mayo mupigao kondo Samburu ya mugamani, mukauya mudzini, mukalola ndima, kaya pongbwe yinavunzwa. Mukambwa ni mwimwi, haini. Ninamwamba hai. Haini achina ching'ang'ini, achina chimbepho. Namwamba hai. Namwamba hai. Haini achina dzombo. A mihi mibomu, a chirima cha dzombo. Namwamba pore. Haini achina chimbepho, achina marere, achina makanga, namwamba pore. Pore. Na pore ni kusikira. Muvugule ngome, yikale nzima. Ala nikagomba, be nagomba na uwe mwanamulungu. Hiwe mwanamulungu ndiwe mwenye ngome. Hata kumba kuna ajeni. Aratu ni ana a kpwako. Vino ngome yinavunzwa. Vivi ninaikani? Ninaika nyungu. Hiwe mwanamulungu usikire. Mwanamulungu pharipho mwanamulungu, mwana p'ep'o, mwana p'ep'o mubarawa, sanzua, bulushi, mukpwaphi. Mukpwaphi, chitsimbakazi, p'ep'ok'oma wa kuzimu, p'ep'ok'oma wa ziyani,","chiza,nyari,nyungu,mwanamulungu",1991/9/5 0:00:00
2806,"呪文","ニャリの壷治療０９","Chari Malau","Phamwenga na uwe mugala na muboni, mudahalo, mukorongo, mukoromea. Haini dungumale, zimu, chizuka, sunduzi, mudoe. Mudoe ni uwe murimangao, mtumwa. Mtumwa ni uwe mungindo. Himuno muna hiwe dena na nyari, chiyugaaganga, luki, mbilichimo, kare na gasha. Hiwe rero ni rero, mandano, mwana pungahewa. Kuna nyari chiwete, kuna nyari junjula, kuna nyari mwalukano, kuna nyari wa pindamongo. Nyari pindamongo ni uwe nyari chipinde. Hiwe nyari chitiyo. Kuna nyari chiwete. Hunamwamba poreni. Sino hunaika nyungu. Ni ya uwe nyari maumba, hiwe nyari mwafira. Kuna nyari junjula. Mosini mwa atu amwenga mwimwi. Nyari boko. Ninamwamba poreni, mwinyini. Hudzegbwa mwenu maguluni. Kondo yari ni dzuzi na dzana. Ahehao ni airi. Achidza wa hahu, akakanya. Rero nidzikala mwaamuzi, nakanya kondo.","chiza,nyari,nyungu,chitiyo",1991/9/5 0:00:00
2807,"呪文","ニャリの壷治療１０","Chari Malau","Mino tsi muganga. Muganga mwenye ni mulungu. Kpwangu ni kpwika mukno wa neema. Kuuya lukombe lwa kanda, kpwenda sagala kuhurira. Haini haini haini. Haini sana. Na vivi rero be ninamufunga ngata. Ngata ni ya utuwani? Ngata ni ya laika. Namutiya pande. Mapande gago be ni ga nyari. Nyari mwafira, nyari maumba, nyari maumba ni uwe nyari durazi. Kuna boko. Ninamwamba poreni. Haini. Vivi be nidzamba mukono waanze machero kugbwira. Mukono wunuke kpwenda dzulu na wuye photsi. Na kuratu kuphola be kuriche mwinyini. Nidzegbwa mwenu maguluni. Kakuna kumufuwiza mukono, hiwe nyari chitiyo, nyari jungula. Hiwe nyari chiwete, nyari maumba. Maumba ni hiwe mwalukano. Hiwe pindamongo ni uwe nyari chipinde. Mwinyini. Hudzegbwa mwenu maguluni. Haini haini.","chiza,nyari,nyungu,ngata,laika,pande,mukono",1991/9/5 0:00:00
2808,"呪文","ニャリの壷治療１１","Chari Malau","(recording starting in the middle) .....Kuna laika mwendo. Laika mwenda na upepo. Laika chimbwengo, laika mukangaga. Kuna laika nuhusi. Nuhusi ni uwe pagao, ni uwe muzuka. Kuna laika chifofo. Kuna laika chiwete. Ninamwamba pore. Vivi rero ninamufunga ngata. Na ngata yiyo be musikire. Mukono chikala ni uwe laika chiwete. Namwamba pore. Mumurichire. Kakuna kondo ndugu zanguni. Haini haini hudzegbwa mwenu maguluni. Hai! C: Haya mukono unaodzala tu. Chidzako kautsanga uno mukono? P: ... C: Sambi gafungbwe phapha? Mwanadamu kafungbwa mulala. Undalala nago kare vivi tu gaga. Kuchicha, gafunge mutse wa nguo. Kuchicha undafungirwa mutse wa nguo. Mulala kaulala na mutu mwirini. Aa! Unafunga pande mutu be unafunga na mulala! Haya rinwe( vuo). P: Mara ngaphi? C: Mara tahu.","chiza,nyari,nyungu,laika,ngata",1991/9/5 0:00:00
2809,"呪文","ニャリの壷治療１２","Chari Malau","C: ...uchere muzima mwenye. M: Uchere moho, hata mishipa yinapiga? C: Yinapiga. Basi haini haini haini. Sino hunamba hai. Na hai ya kpwehu, be nikpwamba hudzikokotera kare karache vivi nikpwamba hunasawazisha tu. Hiwe mwanamulungu, be chila nyama, hata ambaye ni mudzomba, kisha osi ni anao. Hata ye aendaye musikitini mpaka avoye mulungu. Na mulungu ni uwe. Vivi mino nidzilavya nyungu muratu nyumbani. Ni ya nyari. Vivi nidzilavya ziya. Ziya riri, be ni ra laika, laika muzuka, laika mwenda na upepo, laika chimbwengo, laika mukangaga, laika nuhusi. Nuhusi ni uwe pagao, Ni uwe muzuka. Ninamwamba pore, na pore ni kusikira.","chiza,nyari,nyungu,laika,ziya",1991/9/5 0:00:00
2810,"呪文","ニャリの壷治療１３","Chari Malau","Mukavugule ngome, yikale nzima. Basi namuvoya a kpwa vuri, a kpwa mwaka, mulairo wa dzuwa, mutserero wa dzuwa. Achina bugubugu, achina kaziya ka nyenze. Mosini mutserere, nduguzanguni. Mudze muoge vuwo phamwenga na hiyuno. Vivi be nidzimwikira chiza na ngata, mapande. Chila mutu akale unaryani? Chakuryache. Be mwinyi, nduguzanguni. Nidzegbwa mwenu maguluni. Kakuna kondo. Hata chino chifungo chichifungbwa mutu, bemba nikufika tsiku ya kuvugulwa, kuna chifungo cha mutu kufungbwa, chikakala chifungo cha milele. Vivi rero chikala kpwamba ni mwimwi, mino namuvoyera mulungu. Tsi muganga, ni mulungu. Ninahenza muniphokere. Muganga kazumwa, muganga wambwa taire. Haini haini. Vivi mumurichire.","chiza,nyari,nyungu,laika,ziya",1991/9/5 0:00:00
2811,"呪文","ニャリの壷治療１４","Chari Malau","Hata achilaa phapha wahi, hata miyo yiyi atsiyimale, mukono ukale unatororoka chividzo, humanye ni mwimwi kpweli. Humufanyire sino. Hata kumba ni nyo ugangangbwa ndio nyodzuya mwirini kpwa hata uganga kaupho, hundafanya. Ala sino mpaka huone mukono unagbwira. Ndo humanye kukala ni kpweli. Haini.","chiza,nyari,nyungu,laika,ziya,mukono",1991/9/5 0:00:00