999,"呪文","クイカ・ニュング（ハミシ）０１","Chari,ハミシの家で","C: Kalimbo taireni. Q: Za mulungu. Mayo unahendani sambi. C: Ninavuga be. Pfyuu(ため息), wamba ndiye Hamisi kpwenda baye? H(Hamisi): Ndimi Hamisi mino, Mwachiti Hamisi ni sawasawa. C: Lakini ro ra Mwachiti tsi renu ra mbarini. Mudzi ni wako, na chidzako u wa kulala muvunguriri. (鶏についての２～３のコメントの後，kukokotera 開始) Uu. Haini haini wahi arumwengu, arumwengu haini. Namuvoya, namuvoya akpwa vuri, a kpwa mwaka. Namuvoya a kpwa vuri, a kpwa mwaka, a mulairo wa dzuwa, a mutserero wa dzuwa. Achina bugubugu, achina kaziya kanyenze. Basi singavoyere, ningavoya. Ninavoya kpwa Mwachiti. Mwachiti, mwana yuyu wavyalwa ni abaye na ameye. Adziphovyalwa hiyu mwana ni binadamu wa mulungu. Ni chumbe cha mulungu.","p'ep'o,治療,nyungu,mulungu,arumwengu,chumbe cha mulungu",1989/12/2 0:00:00 1000,"呪文","クイカ・ニュング（ハミシ）０２","Chari,ハミシの家で","(kukokotera の続き) Lakini yunateseka. Yunateseka na njira, kuteseka na dunia, kuteseka na ulimwengu. Yugbwirwa ni ukongo. Ukongo uratu. Hata ye mwenye kaumanya, waulavyaphi. Ndo yunayugika kare kare. Hata muganga amulagulaye si muganga. Ende kpwa muganga. Ende akalagulwe, hata achamba yunadza fika mudzini, hata ukongo udzihiwa. Lakini atu achenda virimani chidzako akambwa ni arumwengu. Arumwengu tsi atu anjine. Arumwengu nagomba na uwe, mwana duga, mwana toro, mwana mayungi, mwana mukangaga chimbikaya munyetera ziya. Mwanamulungu marera, mwanamulungu, mulunguzi jimula na mwana musambala. Ela hata nikagomba nagomba nawe mwanamulungu, ndiwe mwenye ngoma. Uwe mwanamulungu ukatuwirizwa(←ku-tuwa) na mwana p'ep'o, phamwenga na mubarawa.","p'ep'o,治療,nyungu,mulungu,種類",1989/12/2 0:00:00 1001,"呪文","クイカ・ニュング（ハミシ）０３","Chari,ハミシの家で","(kukokoteraの続き) Na sanzua, bulushi, mukpwaphi, mukpwaphi, chitsimbakazi cha mbinguni, chitsimbakazi cha ziyani, p'ep'o k'oma wa kuzimu, p'ep'o k'oma wa ziyani. Phamwenga na uwe mugala na muboni, mudahalo, mukorongo, uwe mukoromea. Kuna hiwe dena na nyari, chiyuga aganga, luki, mbilichimo. Chiyuga aganga, kare na gasha, rero ni rero, we mandano, uwe mwana pungahewa. Phamwenga na uwe mudigo na mudigo ndiwe shera. Shera, shera ndiye ichiliku chibarabando. Hiwe muchetu wa mizigo. Sino be hudzikudza ika nyungu ya mulungu. Hukadza na kugomba mambo manji vivyo. Be ni hudzikudza ika nyungu ya mulungu. Kuna nambwa kukala kuna k'oma ya chiganga. Mukoba wa kpwao mbarini. Be hata aratu ahenzao uganga nao adze na kudai chiganga. Lakini mwi munadza na kumufyeha kukala mukongo.","p'ep'o,治療,nyungu,mulungu,種類,k'oma ya chiganga,mukoba,uganga,kudai chiganga",1989/12/2 0:00:00 1002,"呪文","クイカ・ニュング（ハミシ）０４","Chari,ハミシの家で","(kukokotera の続き) Na yuno be tsi mwanamuche. Kpwamba yundambwa tariza dzumbero. Dzumbe ni ye mwenye kare. Muchikala mwi mundamwika wa nyumbani kpwenda, sambi yundafanyirwa ni nyani? Naye hajaye ni adzifanyire mwenye. Rero muchidzakala mudzimwika ya nyumbani tu saa zosini. Yudzima yudziangalala. Ariye phapho ni muchewe. Na muche ndiye agbwirikanaye, mulume akatsuma. Je chikala yugbwirikana ya mulume, ye muche yundakpwenda zilavyaphi zo pesa? Basi, sino hudzikudza voya mulungu. Hudzikudza ika nyungu. Nyungu ni ya mwanamulungu. Chikala kpwamba kuna kazi ya uganga yihenzekanayo. Hiyuno ni kudza na kumulohesa k'oma mbidzo mbidzo. Kumupha muhi komani. Kulala kucha, kpwenda uwala nyo muhi kpweli. Ela tsi kuloka na kumufyeha vivi.","p'ep'o,治療,nyungu,mulungu,祈願，夢，指示，muhaso,uganga",1989/12/2 0:00:00 1003,"呪文","クイカ・ニュング（ハミシ）０５","Chari,ハミシの家で","(kukokotera の続き) Ninamupha nyungu ya mwanamulungu, phamwenga na ziya ra mwana mulungu. Chikala kpwamba ni nyama a chiganga, nyama ao be alairire. Kudza na chitswani, kuyumbisa chitswa, uganga kulaa. Si kulaa, be kukala mundamwayusa, hata akale yunakpwenda dzitiya madzini. Kulaa uganga na kpwenda monyesa mihi. Mihi muchimonyesa, unadza ikirwa nyungu ni ameye wa chiganga na abaye wa chiganga, akale undahewa uganga. Ndo uvoyi wa chiganga. Lakini vino sambi wahi mudzima munamushononesa. Hata ye mwenye go ga kukala ni shetani pia, yudzima kukala kagamanya kahiri ni shetani. Maana yunateseka. Yunateseka, karya, kalala, kasagala. Ni mutu wa kutanga na dunia. Kutanga na njira, kutanga na ulimwengu. Na endapho tsi phatu. Endapho tsi phatu.","p'ep'o,治療,nyungu,mulungu,ziya,kulavya konze,kulaa uganga,uganga,症状",1989/12/2 0:00:00 1004,"呪文","クイカ・ニュング（ハミシ）０６","Chari,ハミシの家で","(kukokotera の続き) Amulagulaye tsi muganga. Kpwadze mwakoswani? Na yuno kamudzangbwe wakukala mwamulavya nze. Be akakala uganga yudziuricha, mukamwamba yuna chiphurye. Kamudzangbwe kumuambira kukala hunahenza kazi. Rero mbona munamutesa mwanadamu. Na ni binadamu wa mulungu. Ni chumbe chenu. Vivi rero mino nalavya nyungu. Ninalavya nyungu, na kakuna chitswa kuluma, wala chizungu, masikiro kuvuma, moyo wa nyuma kumererera, chifua kumererera, mwiri kutsoka, ndani kudunga miya, ndani kpwaka moho, vyau na vyau kpwafuna, chunu kutoka, ndani kunguruma. Vivi rero be chikala kpwamba ni mwimwi, munahenza kazi kpweli, nidzimupani? Nidzimupa nyungu ya humanye ni kpweli. Vivi hunahenza uzima. Kakuna kumutsanga magulu, kakuna magulu kufa nene. Kakuna magulu kuzizima. kakuna mwinyini. Kakuna matso kufungbwa ziza. Kakuna.","p'ep'o,治療,nyungu,mulungu,症状",1989/12/2 0:00:00 1005,"呪文","クイカ・ニュング（ハミシ）０７","Chari,ハミシの家で","(kukokotera の続き) Mwinyini, mwinyini, hudzegbwa mwenu maguluni. Kakuna kondo. Kondo yeri dzuzi na dzana. Ahehao ni airi. Achidza wa hahu akakanya. Rero dzikala mwamuzi(mukanyizi), nakanya kondo. Hiyuno tsi mwanamuche kpwamba yunatsakurirwa ni dzumbere. Ye mwenye ni dzumbe kare. Basi mupeni nafasi. Muchikala kpwamba mundahenza kufanyirwa kpweli, mupeni nafasi. Akale yundadzitengezera. si mukaha na kulavya uganga. Lakini munamuvoya chivoro. Pyuu. Hofyii. (kukokotera中断) C: Nasikira chere ya tumbaku. Na dzikala na kakodza kangu, na ndzikanyala. Kaa tumbaku ya kurya. Ni phano be namanya ni hivyo kare. W: Baha ya phapha be ni ao a kuvuha.","p'ep'o,治療,nyungu,mulungu,仲裁",1989/12/2 0:00:00
1084,"儀礼","クイカ・ニュング（ハミシ）０８","Chari,ハミシの家で","C: Yo mvula maana kukala kudzamba pii. Hata ye ambayo yunamba hinde.. W: Kala yunahenza(p'ep'oが) ahende ihiwa, kpwa hivira arivyo ni wa chilume. Yuyu(患者をさして) kaidima kukokoterwa, akakala yundagolomokpwa. Sambi mwenye kala yunamba ahende ihiwa. Maana ndivyo ambwa. Aihiwe ye muduruma kpwanza, ndiye ayugaye. C: Sambi undaihadze muduruma wee na nyungu yino? Hukosane sambi. Yiye muduruma yiye naasikire. Maana madamu nidzimupha kavuoke, naasikire muduruma. Kpwidima kumwiha na nyungu. Ni ya makodza. Ye be kaoha kamare. Sambi kura kumutiya ukongo mutu, hapana. Sino hunatsakula mbaa chikala kpwamba ni ao anahenza kazi kpweli, sino mba kahuakahaza. H(Hamisi Mwachiti): Maana mino nahenza utu wa wakukala nidzisikire ni muzima, nimanye oo kumba njira ni hiyi ya kufanya be niyifanye kare.","p'ep'o,治療,muduruma,憑依,nyungu,kazi",1989/12/2 0:00:00 1085,"呪文","クイカ・ニュング（ハミシ）０９","Chari,ハミシの家で","(呪文開始) Ptsu. Bisimulahi. Uu haya haini wahi, haini, a kpwa vuri, a kpwa mwaka, mulairo wa dzuwa, mutserero wa dzuwa. Mosini ninamuvoya kpwa Hamisi. Mwimwi musikire, ninalavya ziya, ninalavya nyungu. Na musikire achina bugubugu, achina kaziya kanyenze, mosini ninagomba. Na mutserere, musikire. Maana mino ninamaka ukongo uriokpwamba kaumanyikana kolaa. Na sino be hunalagula, ukongo wa mwanalume. Kahulagula ukongo wa muchetu. Na mambo ga chilume munahenza mutu chikala yunahenza kazi, be adze amwambire kare. Lakini si kumushononese. Maana kana mutu wa kumufanyira, itsiphokala ni ye mwenye. Hiririri ririri(四回) Amani amani(六回). Haini mutserere, mutserere, mutserere. Mudze, munisirikise nigombavyo. Kisha be haini sana mwinyi.","p'ep'o,治療,nyungu",1989/12/2 0:00:00 1086,"呪文","クイカ・ニュング（ハミシ）１０","Chari,ハミシの家で","(呪文中断) C: Cho chihi changu chibomu chi lwaphi? H: Aaa atsakule osini. C: (Nyunguが) Si ya mulungu kamwe. Ni ya muduruma. W: Yesiyehenza ga nyenye. C: Eee. (呪文再開) Bisimilahi ra hamini rahimu.(繰り返し) Naudhubilahi na shetani ra jimu. Lyaka na budhu yaba na stahimu ziliki midhini swala swala a na Mohammed na muladhini na mutswala himu. (以上アラビア語風の呪文)","p'ep'o,治療,nyungu,アラビア語",1989/12/2 0:00:00 1087,"呪文","クイカ・ニュング（ハミシ）１１","Chari,ハミシの家で","Haini haini arumwengu. Arumwengu nagomba tsingagombere saa zizi. Basi ninagomba, tsingagombere. Ni Hamisi. Hamisi wavyalwa ni abaye na amenye. Adziphovyalwa ni abaye na ameye ni binadamu wa mulungu. Ni chumbe cha mulungu. Yunateseka. Karya. Kalala. Kasagala. Ni mutu wa kutanga na njira, kutanga na dunia, kutanga na ulimwengu. Lakini atu achenda virimani anambwa kukala ni mwimwi arumwengu. Arumwengu ninamuvoya a kpwa vuri, a kpwa mwaka, a mulairo wa dzuwa. Achina bugubugu, achina kaziya kanyenze, achina chigulu fyula, achina marere, achina chimbepho, achina dzombo, mosini musikire, achina makanga. Mwanadamu hiyuno ni mukongo. Na ukongo wa kpwakpwe udzianza chitswa phamwenga na chizungu. Masikiro kuvuma, akili kuvugbwa, kakuna akili mbidzo kamare kamare.","p'ep'o,治療,nyungu,arumwengu,症状",1989/12/2 0:00:00 1088,"呪文","クイカ・ニュング（ハミシ）１２","Chari,ハミシの家で","Matso kufungbwa dziza. Ndo chifua kumererera, moyo wa nyuma kumererera. Ndo sambi mwiri wosi kuvunzika vunzika. Ndani kunguruma. Ndani kudunga miya. Ndani kpwaka moho. Vyau na vyau kpwafuna, hata mikojo kuyifunga pia. Navyo simanya ni kpwadze? Mwakoswani? Jambo rinjine ni chunu kutoka. Hata go magulu nago kutsanga. Magulu kufa nene. Magulu kpwaka moho. Magulu chidzako kuzizima, hata kukala dzakpwamba ni mutu ambaye wafa hangu dzuzi. Mosini munaidima kuvifanya vivyo. Vino rero hunamba mwinyi. Mwinyi wa kpwangu. Nagomba na uwe mwana duga, mwana toro, mwana mayungi, mwana mukangaga, chimbikaya munyetera ziya. Mwanamulungu marera, mwanamulunguzi jimula na (=sawasawa na) mwana musambala. Ela ninagomba, nagomba na uwe, mwanamulungu, ndiwe mwenye ngome. Hata kumba kuna ajeni, mino tsiamanya.","p'ep'o,治療,nyungu,症状,mulungu,musambala",1989/12/2 0:00:00 1089,"呪文","クイカ・ニュング（ハミシ）１３","Chari,ハミシの家で","Uwe mwanamulungu, ukatuwirirwa na mwana p'ep'o, phamwenga na mubarawa, sanzuwa, bulushi, mukpwaphi. Mukpwaphi, chitsimbakazi cha mbinguni, chitsimbakazi cha ziyani. P'ep'o k'oma wa kuzimu, mugala, muboni, mudahalo, mukorongo, mukoromeo. Kuna dungumale, zimu chizuka, zuka renye ra chipemba. Mudoe ni uwe murima ngao. Mutumwa ni uwe mungindo. Himuno muna hiwe dena na nyari, chiyuga aganga, luki, mbilichimo, kare na gasha, rero ni rero, mandano, uwe mwana pungahewa. Mwinyini, mwinyini. Hudzegbwa phenu maguluni. Kuna mudigo. Mudigo ndiwe shera. Shera ndiwe ichiliku, chibarabando, muchetu wa mizigo. Kutungana(kutana) muzungu wa mumiani, ndiwe jine tsimba. Baniyani wa kutsunuka, mwalimu gojama sorotani mwanga. Phamwenga na hiwe jine bara wa chimasai.","p'ep'o,治療,nyungu,症状,mulungu,dungumale,chizuka,zuka,mudoe,dena,nyari,shera,ichiliku,muzungu",1989/12/2 0:00:00 1090,"呪文","クイカ・ニュング（ハミシ）１４","Chari,ハミシの家で","Kuna hiwe gologoshi. Gologoshi ndiwe ngai. Ngai ndiwe mukamba. Mukavirondo, mawiya, munandi, mumanyema. Mwinyi na hunamwamba pore. Pore ni kusikira. Kuvugula ngome. Kukala nzima. Hata kumba mwalembwa. Mwalembwa dzuzi na dzana. Kumba mwakoserwa. Mwakoserwa dzuzina dzana. Ela vivi rero be hunahenza uzima. Na uo uzima uo wahi hunahenza uzima wa kumupha uganga wa chitswani. kakuna, kakuna kumpha uganga, kumuvoya uganga, na kumuakasha. Kumuvoya uganga na kumutosa chibiru. Kuvoya uganga na ndani kpwaka moho. Kudunga miya. Ndani kuodzala. Kutsamupha choo. Vivi rero nidzamba namupha choo cha kpwakpwe. Kurya chakurya na kpwenda chooni, kpwenda henda hajaze. Kuuya kudza arya chakurya tototo yenye chividzo.","p'ep'o,治療,nyungu,gologoshi,ngai,ngome,uganga,kuvoya uganga,",1989/12/2 0:00:00 1091,"呪文","クイカ・ニュング（ハミシ）１５","Chari,ハミシの家で","Na kumupha uganga be wa chitswani. Chitswa kuyumba, be kuyumbira uganga. Kumpha muhi komani. Kulala kumwambira muhi, kuchicha kpwenda uwala. Kudza nao mudzini. Humanye munahenza kazi kpweli. E lakini vino mbona munahuangalaza. Kakuna mutu kugbwira chunu, kugbwira ndani. Ela kakala ni uganga unahenzwa, be yundahendadze? Hata yo kazi yundahewadze? Yino kazi ya mutu yunayihewa. Na ni mukongo. Yino kazi yifanyikadze? Amba munavoya voro. Mwinyini, na yuno si goma ra chiche, ni mulume. Mwayuseni(←kpwayusa) chiganga. Kumuayusa ni kumupha mihi. Ela si kumufyeha, kura munamukojoza damu, kura munamuakasha, kura munamutosa chunu, kura munamutosa tosa magulu, kura munamuakasha chifua, kura moyo wa nyuma munaubandika dziwe, chitswa munachitiya chizungu, matso ganafunga dziza. Haya yundaonadze kpwanza?","p'ep'o,治療,nyungu,夢,kupha uganga,uganga",1989/12/2 0:00:00 1092,"呪文","クイカ・ニュング（ハミシ）１６","Chari,ハミシの家で","Amba poreni mwinyini, ndugu zanguni. Na pore ni kusikira, kuvugula ngome, kulala nzima. Haini sana, kisha be pore be. Kuna himwi ano kadongo, kuna digozee, kuna mbilichimo. Mosini ndugu zanguni. Mwa atu a kuhenza kazi mwimwi. Vino rero be nalavya nyungu. Nyungu tsi ya mutu munjine. Nyungu ni ya uwe mwana mulungu. Nakpwamba pore. Chikala ni kazi yinahenzeka, mupheni kazi be chividzo. Si kumpha kazi, be na kumushononesa. Karemere uganga. Mukamba(←kpwamba) kahi mwamupha mihi. Be sambi kala yinayiricha, kamudznagbwe kumupha muhi hata umwenga. Rero munamutsukizadze? Hata munamuakasha. Kura munamuvumbiza ndani. Kura munamulafya choo. Kura munamuakasha vira. Wakosani? Na mwi kamudzangbwe kumupha muhi, hata umwenga. Be yikakala ni yudziurema, amba poreni mwi.","p'ep'o,治療,nyungu,digozee,mbilichimo,mulungu,kupha muhi,uganga",1989/12/2 0:00:00 1093,"呪文","クイカ・ニュング（ハミシ）１７","Chari,ハミシの家で","Kisha be mwinyi. Mwinyi na pore. na pore ni kusikira. Kusikira ni mumuvugule, akale muzima. Mosi namwambira ndugu zanguni. Mutserere, mudze, musirikise kama nivigombavyo. A kpwa vuri, a kpwa mwaka, mulairo wa dzuwa, mutserero wa dzuwa. Achina bugubugu, achina chiziya kanyenze, ndugu zanguni, mosini munisikire. Achina dzombo, achina marere, achina makanga, achina chimbepho, achina chigulufyula. Amba munisikire ndugu zanguni. Muganga kazumwa. Amba mganga wambwa taire. Viratu nendavyo nichilagula atu na akaphola na nikapha uganga. Rero nahenza munisikire kama viratu mukalavyo. Muchinisikira chila tsiku. Nyama ni mwanadamu achiambirwa ni kusikira. Nyama ni mulatso, achiambirwa ni kusikira. Na muganga kazumwa. Muganga wambwa taire.","p'ep'o,治療,nyungu,muganga,呪医",1989/12/2 0:00:00 1094,"呪文","クイカ・ニュング（ハミシ）１８","Chari,ハミシの家で","Kpwangu mino ni kumwambira na kusikira. Si muganga. Muganga mwenye ni mulungu. Muganga ni mulungu na muchiniihika, mimi nami nindamwazira(← kpwaza) nimufanyire rero. Muchidza kala mwi kamwenzi kumuricha, akahende baha yuno. Nguvuzo yundazipataphi? Ndugu zanguni. Mbona munamwangalaza? Hata chibaruwa kana kahiri, yuyu sambi. Hata yudzima ni mutu tu, wa kutanga na njira, kutanga na dunia, kutanga na ulimwengu. Yudzima karya, kalala, kasagala. Mwaanzadze? Mwakoswani? Mbona munamuhenda mwanachiya. Ndo ni muchiya kare. Bemba yunahenza chikala munamuvoya chitu, mumuvoye chiuwema(ス chi utu udzo). Hunahenza Eee au Laa. Achikala yudzamba laa, tsi yorema. Ndipho phondakala munamba. Yuno hunahenza uganga na yuno kazi kenzi kuhupha. Rero muchidza kala munamufyeha, undakala mujeni wani?","p'ep'o,治療,nyungu,muganga",1989/12/2 0:00:00 1095,"呪文","クイカ・ニュング（ハミシ）１９","Chari,ハミシの家で","Na yuno ni mutu ariye kpwamba yudzitsumira mwenye, katsumirwa ni mutu. Hebu poreni. Ndugu zanguni. Hudzegbwa mwenu maguluni. Kakuna kondo kahiri. Vivi nidzikala mwamuzi(mukanyi). Ninakanya kondo. Na munisikire. Pharipho uwe chitsimbakazi mwinyi, pharipho uwe p'ep'o k'oma mwinyi. Chitsimbakazi ndiwe p'ep'o k'oma, ndiwe na ndiwe mwana mulungu. Uwe mwamunyika, mulungu mubomu. Mosini muteremuke, mutserere, mudze, muohe nyungu, muoge ziya, mumuphe uzima yuyu mwana. Haini, haini, ndugu zanguni, mwinyini. Haya poreni, ndugu zangu mwinyi. Mwinyi na hunahenza k'oma(夢) zidze mbidzo mbidzo, na kumonyesa mihi, kulala. Hata mimi mwenye nichidza mwaga nyungu.","p'ep'o,治療,nyungu,仲裁,mwamunyika,夢",1989/12/2 0:00:00 1096,"呪文","クイカ・ニュング（ハミシ）２０","Chari,ハミシの家で","Achilala mumonyese mihi, hata nichidza mwaga nyungu, nione mihi ya kpwakpwe. Anambe mayo mino nakudza onyeswa hinyuno, nimuphe kazi kpweli. Maana mino tsi mukaha na wala tsi mwoga. Ela mwinyi, yudzamba mwinyi. Ndata murio kpwamba mwamupiga yamutosha. Hai. Kpwanza mumurichire sana vyo. Kisha hai. Nagomba nawe kasidi. Kasidi ni uwe, mulungu marambo. Uwe kalume ngala wambaye ga ndani unagamanya, ga konze unagamanya. Dzigomba naye be ni kutoka hangu chiramuko. Na vino dzikudza ika nyungu. Nyungu ni ya makodza. Na vuo ni ra makodza. Dzikpwikira ra kpwako renye rakukala achidzifukiza yiyi nyunguye, hata achoga riratu ziyare. Chilaa phapho asindikize uwe. Tsidze akenda sindikiza makodzani. Na umuphe pore. Na umutserezere baraka za kpwakpwe. Ukongo uuke.","p'ep'o,治療,nyungu,kuonyesa muhi,kasidi,天の川,ziya",1989/12/2 0:00:00 1097,"呪文","クイカ・ニュング（ハミシ）２１","Chari,ハミシの家で","Yichisira yiyi ye mwenye. Chikala ni muzima, yichisira yiyi, nidze nikuikire kare ya kpwako. Chikala munahenza kazi kpwanza, muphe kaziye. Kura kumuvunzavunza, kulala kpwenda, kakufanya kazi. Maana uwe ndiwe kasidi, ndiwe kalume ngala. Ndiwe kalume ngala na ndiwe masikini, ndiwe mugayi. Uwe ndiwe rero ni rero, uwe ndiwe mandano mwinyi. Uwe kasidi. Yevyala mwanao achiiga ameyo mekasidi. Ninakumanya kpwenu ni nyika. Tsimanya ni Nyongoro, Nisakake, ama ni Gopho au ni Lukakani. We be mutu wa nyika. Kugbwirwa(neg.) chitswa au kugbwirwa sikiro. Maana ugbwirwapho unambwa u mutu muzima. Uwe ndiwe nyoe. Kugbwirwa sikiro. Unambwa uchigbwirwa unadinywa. Rero be ni pore. Pore yiyo be uyisikire. Mihaso hiyo, mavuo higo. Nyungu ya kpwako mpaka yisire yiyi. Maana mulungu kachirwa na kachirirwa ni muvyere wa kpwako, amba mwenehu.","p'ep'o,治療,nyungu,kasidi,kalumengala,nyoe,nyika,社会化,mwana,",1989/12/2 0:00:00 1098,"呪文","クイカ・ニュング（ハミシ）２２","Chari,ハミシの家で","Uwe wambirwaye chiduruma cha kaya tahu, ukasikira. Amba nahenza uzima wa yuno mwana mino. Ni muphe kazi kpweli. na muyumbo uo nyodziomupha hangu mutsana, bee kumonyesa mihi sana dziloni. Kakuna kumubabaisha roho, kpwa yino nyungu si yako. Ukakala undamuwala roho. Hapana. Maana unavimanya we vya kumubabaisha moyo, hata kpwamba yiyi nyungu tsindadzifukiza kpwa nindafa. Unavimanya. Ninakpwambira chimberembere hata unisikire. Kuoga vuo, kunwa mihaso, yichisira yiyi nyungu, nadza nikpwikire yako. Kala ni kazi, tsiremere. Lakini nahenza uzima wa hiyu mwana. Haya pore musena wangu. (中断 Kanipeni ko katumbaku niafune maana nasikira kpwererwa ni moyo.) Haya poreni mwinyi. Sino be hunahenza uzima. Hiyu mwana aphole. Na achiphola, hundampha kazi kpweli. [END OF MAKOKOTERI]","p'ep'o,治療,nyungu,muduruma,kaya,約束",1989/12/2 0:00:00